एक अल्पसा प्रयत्न

काय लिहू काही सुचत नाही आहे. पण लिहायची उर्मी चढली आहे.
खूपसे विषय आहेत जे खूप लोकांशी बोलावे वाटतात..डायरी लिहिणं तर मी जवळ्पास सोडूनच दिलं आहे. ती कधीकाळी माझी खूप जवळची मैत्रीण होती. माझं आयुष्य, आयुष्यातली स्वप्नं आणि आयुष्यातली नाती इतकंच काही त्यात सापडेल. बालपणाच्या शाळेतल्या गंमती-जंमती, मैत्रिणिंशी भांडणं आणि मग हळूहळू परिपक्वं होत गेलेले विचार आणि त्याबरोबरच परिपक्वं होत गेलेली नाती, तरुणईतली वेगवेगळ्या विषयांवर मांडलेली मतं ( अशा अविर्भावात की जशी काही ती ब्रम्हवचनंच :) ) हे सगळं काही आजही वाचताना खूप मज्जा येते. पण हे सगळं जरा जास्तच "पर्सनल" आहे..आता जरा म्हटलं ब्लॉग काय असतं ते लिहुयात. खरं म्हटलं तर ब्लॉग्ज हा प्रकार मला कधी विशेष रुचला नाही, म्हणजे तसं वाचायला आवडला पण... कालच मी एक मराठी ब्लॉग वाचला ( http://www.anand-kulkarni.blogspot.com ) आणि मग मला एकदम लिहायची खुमखुमी आली.. ;)
एक अल्पसा प्रयत्न...